Նոր Արմավիրում մնում է միայն մանկությունը սեփականաշնորհեն
Արմավիրի մարզի Նոր Արմավիր հանայնքի մանկապարտեզի շենքն արդեն վաղուց է ինչ սեփականաշնորհված է,ավելին սեփականատերն
ով Արմավիր քաղաքի մանկապարտեզներից մեկի վարիչն է այն հարսանյանց
հանդես կառուցելու քայլերն արդեն ձեռնարկել է:
-Իր սեփականությունն
է ինչ կուզի այն էլ կանի,ասաց մանկապարտեզի վարիչ Կարինե Բաղդասարյանը ,-նոր մանկապարտեզ
հիմնադրելու շուրջ իր մ ծրագրերը ներկայացնելուց առաջ:Նոր մանկապարտեզի համար համայնքում ամենահարմար տարբերակն ըստ Կարինե Բաղդասարյանի դպրոցի երկրորդ մասնաշենքն է,որն ավելի քան 20
տարի է կիսակառույց է և որևէ նպատակով չի շահագործվում:
Նոր Արմավիր հանայնքի մանկապարտեզի հաշվապահ Նարինե Ավետիսյանի փոխանցմամբ
նախահաշվարկ է կատարվել ,որնը կազմել
է 400 միլիոն դրամ ներառյալ դպրոցի առաջին մասնաշենքը շենքը:
նոր Արմավիրի դպրոցի 2-րդ կիսակառույց շենքը |
-Հիմա բոլոր դպրոցներին կից նախակրթարաններ են բացվում,գոնե
որպես այդպիսին մեկ սենյակ վերանորոգեն և տրամադրեն գյուղի փոքրիկներին,-ասաց Կարինե
Բաղդասարյանը:Վերջինի հավաստմամբ Նոր Արմավիր համայնքում ավելի քան 50 մանկապարտեզային
տարիքի երեխա կա:
-Շուտով կսկսվի
գյուղատնտեսական տարին և գյուղի երեխաները
կամ փողոցում կանցկացնեն իրենց առօրյան կամ էլ
ծնողներն այլ տարբերակ չունենալով նրանց նույնպես հողամաս կտանեն,-ասում է մանկապարտեզի
վարիչը մտահոգվելով ինչպես են փոքրիկներն առավոտից երեկո արևին դրսում մնալու:
Կարինե Բաղդասարյանի հավաստմամբ նոր Արմավիրի համայնքապետը
խնդրի վերաբերյալ դիմել է Արմավիրի մարզպետարան,մարզպետ
Աշոտ Ղահրամանյանը խոստացել է, որ կվերանայեն խնդիրն ու միջոցներ կփնտրի, բայց թե երբ
այ այդ մեկն այստեղ չի խոստացվել: Հրաշքների սպասելու հույսով էլ ապրիլի 16-ից այս համայնքում որպես մանկապարտեզ կծառայի նորից
նախկին հիվանդանոցի շենքը,որն ի դեպ
նույնպես 1990-ականներին սեփականաշնորհվել է և
որպես ռեստորան է ծառայել:Այժմ էլ բարի
կամքի դրսևորումով տրամադրվել է փոքրիկներին:
-Սեփականաշնորհված տարածք է այդ իսկ պատճառով բարելավման աշխատանքներն այստեղ
կատարելն անիմաստ է ,-նշեց մանկապարտեզի վարիչը ցույց տալով համապատասխան պայմաններից զուրկ նախակրթարան
ծառայող նախկին հիվանդանոցի սենյակները:
Այս
մանկապարտեզը, եթե կարելի է այն այդպիսին անվանել
բոլորովին զուրկ է փափուկ գույքից,մահճակալները
սեզոնային հիմունքներով տանից բերում
են փոքրիկների ծնողները:
Ավելացնենք,որ ,մանկապարտեզ ծառայող նախկին հիվանդանոցի շենքի
փոքրիկ բակն անգամ ցանկապատ չունի մինչ դեռ բակին հարակից է միջհամայնքային կենտրոնական ճանապարհը:
Մանկապարտեզի
վարիչն ասաց,որ եթե մեկ րոպե դաստիարակները լարված ուշադրություն չցուցաբերեն ապա բակային
խաղի ժամին երեխաների վրաերթ կատարելու հավանականությունն անխուսափելի կլիննի:
Ջավահիր Եղիազարյան
0 comments:
Post a Comment